 |
|
BDI-ja nuk është për zgjedhje të parakohshme
 Shkup, 5 shkurt - Partia shqiptare në pushtet, Bashkimi Demokratik për Integrim (BDI) nuk i frikësohet mbajtjes së zgjedhjeve të parakohshme. Sekretari i përgjithshëm i BDI-së, Abdylaqim Ademi, njëherësh zëvendëskryeministër, duke vlerësuar se nuk është koha që Maqedonia të shkojë në zgjedhje të parakohshme parlamentare. Ai ka bërë të ditur vendimin e partisë për të filluar takimet intensive me elektoratin. Sipas Ademit, takimet me funksionarët e lartë të kësaj partie janë një mundësi e mirë për të dëgjuar problemet, por edhe sugjerimet për përmirësimin e jetës së përgjithshme të qytetarëve. “Kjo nuk është përgatitje për zgjedhje apo ndonjë fushatë parazgjedhore. Qëndrimi i BDI-së lidhur me këtë çështje është i prerë. BDI nuk i ikën vullnetit të popullit, këtë e dëshmuam edhe në 2008-n, kur edhe pse kishim shumicën e deputetëve në parlament, kërkuam që edhe njëherë të marrim legjitimitetin e përfaqësimit të shqiptarëve në organin ekzekutivë”. Sipas Ademit, në momentin, kur Maqedonia është në prag të përfundimit të procesit të integrimit euroatlantike, zgjedhjet do të ishin vetëm një ngadalësim. / Zhurnal / / Tv Era / |
|
|
|
|
|
| kthehu pas |
|
|
|
